Hønefoss Ballklubb

Hønefoss Ballklubb
Fullt namn	Hønefoss Ballklubb
Kallenamn	HBK, Hønsa
Grunnlagd	4. februar 1895
Heimebane	AKA Arena; (kapasitet: 3 500)
Styreleiar	Ole Sannes
Hovudtrenar	Leif Gunnar Smerud
Supporterklubb	Fosseberget
Liga	3. divisjon fotball for herrar
Anna	Dagleg leiar: ; Geir Håvard Solvang
Nettstad	Heimeside
Heimedrakt	Bortedrakt
	Noverande sesong

Hønefoss Ballklubb er ein fotballklubb frå Hønefoss i Ringerike kommune i Buskerud i Viken. Kvinnene sitt A-lag spelar i 1. divisjon (2020). Herrelaget spelar i 3. divisjon avdeling 2 (2020).

Klubben spelar heimekampane sine på AKA Arena. Hovudtrenaren er Luke Torjussen (2020). Noverande hovudtrenar er Leif Gunnar Smerud.

Fyrste gongen Hønefoss spelte på øvste nivå var i 2010-sesongen.

Historie

Klubben er ei samanslåing av fleire gamle fotball- og idrettsklubbar:

IF Liv som blei stifta 4. februar 1895.
Fossekallen IF, som fekk namnet sitt 28. mars 1909 etter at Skiklubben Halden (stifta 15. april 1908) skifta namn.
Fossekallen blei i 1940 slått saman med Hønefoss AIL.
I 1987 blei klubbane IF Liv og Fossekallen slått saman til Liv/Fossekallen.
Klubben fekk i 1997 namnet L/F Hønefoss, og i 2002 blei namnet igjen endra til noverande Hønefoss BK.

I 1998 rykte L/F Hønefoss opp i 1. divisjon. Publikumsrekorden i Hønefoss Idrettspark er 3 773, og blei sett 22. august 2005 i ein cupkamp mot Hamarkameratene. Supporterklubben heiter Fosseberget.

18. juli 2007 blei det vedteke å byggje nytt stadion, det stod ferdig i 2009. Det er sertifisert for 3500 plassar, men sidan området berre er regulert for 3000 må HBK søkje kommunen om dispensasjon dersom talet på tilskodarar blir over 3.000.^[1]

Januar 2008 blei Ole Bjørn Sundgot tilsett som ny hovudtrenar for klubben. I den andre sesongen med Sundgot som trenar greidde HBK andreplass i 1. divisjon, og sikra med det opprykk til Tippeligaen.